07 мая 2021 г.
Иртнĕ юнкун Сĕнтĕрвăрри районĕн пуçлăхĕ Владимир Петров тата районти депутатсен Пухăвĕн депутачĕ Александр Афанасьев пирĕн хулара пурăнакан Антонина Ивановна АРИСТАРХОВĂНА саламларĕç.
Антонина Аристархова 1919 çулта Турханкасси ялĕнче çуралнă. Ялти шкулта вĕреннĕ. Вуникĕ çултах колхозра ĕçлеме пуçланă. Ял халăхĕпе вăл утă хатĕрленĕ, çĕруми пуçтарнă, хăмла татнă. Ултă çул хушши, 80 çула çитиччен, районти тĕп больницăра ĕçленĕ. Пушă вăхăтра ял клубĕ çумĕнче йĕркеленнĕ художество пултарулăх ушкăнне çÿренĕ. Антонина Ивановна пĕр хĕр çуратса ÿстернĕ.
Тыл ĕçченĕ халĕ 102 çулта. Хăнасем ăна çывхарса килекен Çĕнтерÿ уявĕпе ăшшăн саламларĕç, республика аталанăвне тÿпе хывнăшăн «Чăваш автономи облаçне туса хунăранпа 100 çул» асăну медалĕпе чысларĕç.
А. МАКСИМОВА.
Источник: "Наше слово" ( Мариинско-Посадская районная газета)