30 апреля 2021 г.
Чăваш Республикинчи вĕрентÿ министерствин «Аталаннă ачасен тата çамрăксен «Эткер» центрĕ пуш-ака уйăхĕсенче прозăлла произведенисене чăвашла вулакансен конкурсне йĕркелесе ирттерчĕ.
«Эткер» центрта проза хайлавĕсене чăвашла вулакансен конкурсне иртрĕ.
«Чĕрĕ сăмах» конкурса Чăваш чĕлхи кунне тата Сăрпа Хусан хÿтĕлев чиккисене хăпартнă паттăрсене халалланă. Конкурсра чăваш чĕлхи, Тăван çĕршыв, халăхăмăрăн пуян историйĕ çинчен калакан произведенисенчи сыпăксем янăрарĕç.
Октябрьски шкулĕнчи кадет класĕнче вĕренекен Николай Кириллов та асăннă конкурса хутшăнчĕ. Жюри пайташĕсен пĕтĕмлетĕвĕ 6-мĕш класра вĕренекен Николайшăн хĕпĕртемелле пулчĕ: вăл виççĕмĕш вырăн йышăнчĕ. Ăна малашне те вĕренÿре тата тĕрлĕ конкурссенче ăнăçусем сунатпăр!
А. АФАНАСЬЕВ.
Источник: "Наше слово" ( Мариинско-Посадская районная газета)