10 апреля 2021 г.
Виçĕмкун Сĕнтĕрвăрри районне Чăваш Республикин Патшалăх ветеринари службин ертÿçи Константин Викторов ĕçлĕ визитпа килчĕ.
Чи малтанах вăл район администрацийĕн пуçлăхĕ-пе Владимир Мустаевпа курнăçрĕ.Тĕлпулăва ял хуçалăх пайĕн ертÿçи Фарад Зейнетдинов, выльăх-чĕрлĕх чирĕсемпе кĕрешекен районти ветеринари станцийĕн ертÿçин тивĕçĕсене пурнăçлакан Татьяна Мартьянова хутшăнчĕç. Пухăннисем Раççейри тата Чăваш Енри эпизоотика лару-тăрăвне сÿтсе яврĕç.
Малалла Константин Вячеславович районти ветстанцин ĕç коллективĕ-пе тĕл пулчĕ. Ветеринари ĕçченĕсене выльăх-чĕрлĕх тата кайăк-кĕшĕк чирĕсене сарăлма чаракан мероприятисене вăхăтра ирттермелли çинчен аса илтерчĕ, 2021 çулхи пуш уйăхĕн 1-мĕшĕнчен вăя кĕнĕ çĕнĕ правилăсемпе кĕскен паллаштарчĕ. Çавăн пекех районти ветеринари службин пурлăхпа техника никĕсĕн тăрăмне, бюджет ĕç-хĕлĕнче тупăш ÿстермелли майсене, çамрăк специалистсене ытларах явăçтармаллине, модульлĕ ветеринари пунк- чĕсем тумаллине, ĕçченсен квалификацине ÿстерессине пăхса тухрĕç.
Ĕçтешсем умĕнче Кон-стантин Викторов районта инфекци чирĕсемпе кĕрешес ĕçе вăйлатма тĕллев лартрĕ. Выльăх хуçисемпе профилактика ĕçĕсене малалла тăсмалла, тивĕç мероприятисем ирттермелле тесе палăртрĕ ведомство ертÿçи.
Унтан Константин Вячеславович «Смак-Агро» ял хуçалăх организацинче пулчĕ. Паянхи кун унта мăйракаллă шултра выльăх йышĕ 1969 единица шутланать, вăл шутра - 314 ĕне. Сĕтĕн вăтам сăвăмĕ пĕр ĕнерен 1981 кг танлашать. Кунта ведомство ертÿçи организацин ĕç-хĕлĕпе, выльăх-чĕрлĕх тытмалли условисемпе, меслетсемпе паллашрĕ.
Тĕлпулăва вĕçленĕ май Константин Викторович районта эпизоотика лару-тăрăвĕ лайăх пулнине палăртрĕ.
А. БОГОЯВЛЕНСКАЯ.
Источник: "Наше слово" ( Мариинско-Посадская районная газета)