03 апреля 2021 г.
Пуш уйăхĕн 30-мĕшĕнче район администрацийĕн пуçлăхĕн çумĕ – вĕрентÿпе çамрăксен политикин пайĕн пуçлăхĕ Светлана Арсентьева районта Космонавтика кунне хатĕрленсе ирттерес енĕпе ĕçлекен йĕркелÿ комитечĕн ларăвне ирттерчĕ.
Культурăпа социаллă аталану пайĕн пуçлăхĕ Елизавета Матюшова ларăва хутшăннисене палăртса хунă мероприятисен проекчĕ-пе паллаштарчĕ. Планпа палăртнă тăрăх, ака уйăхĕн 12-мĕшĕнче А.Г. Николаев СССР летчик-космонавтăн мемориал комплексĕнче митинг иртĕ. Çавăн пекех çамрăк космонавтсен отрячĕсен слечĕ, Юрий Гагарин пĕрремĕш хут космоса вĕçнĕ кунăн кăтартăвĕ, радиоçыхăну сеансĕ, документлă фильмсем кăтартасси пулĕ, шкул ачисемпе тĕлпулусем, космонавтика музейĕнче экскурсисем иртĕç çав кун Шуршăлта. Ларура асăннă мероприятисемшĕн яваплă çынсене палăртса хăварнă.
Светлана Витальевна мĕнпур мероприятие Роспотребнадзор сĕнĕвĕсемпе килĕшÿллĕн ирттермеллине аса илтерчĕ.
А. МАКСИМОВА.
Источник: "Наше слово" ( Мариинско-Посадская районная газета)