01 марта 2021 г.
Нарăсăн 23-мĕшĕнче Тăван çĕршыв хÿтĕлевçин кунне палăртнă. Ку - хăюлăх, чăтăмлăх тата патриотизм уявĕ. Паттăрсене тăнăçлă пĕлĕтшĕн чун-чĕререн тав туса çĕршывра тĕрлĕ акцисемпе мероприятисем чылай ирттерчĕç.
Вĕсенчен пĕри - Пĕтĕм Раççейри «Паттăрсен ятне хÿтĕлетпĕр» акци. Ку акцие Сĕнтĕрвăрри районĕ те хастар хутшăнчĕ.
Тăван çĕршывăн Аслă вăрçи çулĕсенче вилнĕ салтаксен палăкĕ патне чечек кăшăлĕсемпе чечек çыххисем районти кашни хутлăхрах хучĕç. Паттăрсене асăнса пĕр самант шăп тăчĕç. Мероприятие хутшăнакансем пирĕн ентешсен паттăрлăхĕ паянхи ăрушăн хастарлăх тĕслĕхĕ пулнине палăртрĕç.
Çĕршыв хÿтĕлевçисен кунне халалласа кашни культура вучахĕнче концертсем, конкурс программисем иртрĕç. Вулавăшсенче хăюлăх, хастарлăх темисемпе кĕнеке куравĕсем, калаçусем йĕркелерĕç. Вĕрентÿ учрежденийĕсенче çарпа спорт уйăхлăхне пĕтĕмлетсе смотр-конкурссем, паттăрсемпе тĕл пулусем ирттерчĕç.
О. ЕФРЕМОВА.
Источник: "Наше слово" ( Мариинско-Посадская районная газета)