15 февраля 2021 г.
Виçĕмкун Шупашкар тата Сĕнтĕрвăрри районĕсен Çар комиссарĕ Александр Кочуров пирĕн район администрацине 2020 çулта çамрăксене пухса салтака ăсатас ĕçре пулăшнăшăн тав тунă.
Иртнĕ çулхи призыв кăтартăвĕсем тăрăх, Шупашкар тата Сĕнтĕрвăрри районĕсен çар комиссариачĕ Чăваш Енре чи лайăххи пулса тăнă. Кĕркуннехи тапхăрта, эпидемиологи лару-тăрăвне пăхмасăрах, пирĕн районти 50 каччă салтак ретне тăнă. Çакă планпа палăртнинчен 100 процентран та иртнĕ.
Александр Кочуров район администрацийĕн пуçлăхне Владимир Мустаева Чăваш Республикин çар комиссарĕ Бахтиер Холиков полковник алă пуснă Грамотăна парса чысланă.
Кун пек кăтартусене пурнăçлама çар комиссариачĕпе район администрацийĕ пĕрле, пĕр шухăшлă пулса ĕçленинче пулнине палăртнă Александр Алексеевич. Малашне те çавăн пекех ĕçлессе шаннине те пĕлтернĕ вăл.
А. МАКСИМОВА.
Источник: "Наше слово" ( Мариинско-Посадская районная газета)