15 февраля 2021 г.
Атăлçи федераллă округĕн регионĕсенче «Нихçан срокран тухмасть» («Без срока давности») Пĕтĕм Раççейри архив материалĕсен куравĕ уçăлчĕ.
Пирĕн регионта курав Шупашкарта, Совет Союзĕн Геройĕ А.В. Кочетов ячĕллĕ кадет корпусĕнче, ĕçлет. Документсем Тăван çĕршывăн Аслă вăрçи вăхăтĕнчи мирлĕ çынсен инкекĕ çинчен каласа парĕç. Кунта совет халăхĕн геноцичĕ çинчен калакан документсене пĕрремĕш хут тăратнă: нацистсен каратель операцийĕсене, ачалăха хирĕç тунă преступленийĕсене, Германире мирлĕ халăха массăллă пĕтерес тата хăвалас ĕçе, сиплев учрежденийĕсенче сывалакан граждансене пĕтересси. Курав нарăсăн 21-мĕшĕччен пырать.
Вăл Раççейĕн 63 регионĕн-че иртет, пĕр проектăн пайĕ шутланать, Раççей Президенчĕ Владимир Путин хушнипе пурнăçланать. Унăн шайĕнче шырав ĕçĕсемпе, архив докуменчĕсемпе ĕçлеççĕ. Пĕтĕм тĕнчери наука конференцийĕсемпе çамрăксен мероприятийĕсем, театр постановкисем тата кино кăтартассисем иртеççĕ. Асран кайми вырăнсем туса хурас тата музей-курав ĕç-хĕлне йĕркелес ĕçре пулăшу парĕç.
ПИРĔН КОРР.
Источник: "Наше слово" ( Мариинско-Посадская районная газета)