26 декабря 2020 г.
Шупашкарти Пултарулăх керменĕнче чÿк уйăхĕн 23-мĕшĕнчен пуçласа раштавăн 14-мĕшĕччен сывлăх енчен хавшак, сусăр ачасем валли республикăри «Эпĕ тенчене ÿкеретĕп!» çемье конкурсĕ иртнĕ.
Унта Чăваш республикинчи 17 вĕренÿ учрежденийĕнчи ачасем хутшăннă. Ĕçсене вĕренекенсем тĕрлĕ техникăна усă курса пурнăçланă: кăранташ, фломастер, гуашь, акварель, пастель, коллаж, аппликаци тата ытти те.
Конкурс пĕтĕмлетĕвĕсем тăрăх, кашни ÿсĕм ушкăнне шута илсе тата номинацисенче малти виçĕ вырăна палăртнă.
«Манăн юратнă çутçанталăк вăхăчĕ» номинацире 10-14 çулхи ачасем хушшинче Октябрьскинчи вăтам шкулта тăваттăмĕш класра вĕренекен Софья Васильева иккĕмĕш вырăн йышăннă. Эпир ăна çĕнĕ çитĕнÿпе саламлатпăр! Малашне те, Софья, маттур пул!
Г. МАКСИМОВА.
Источник: "Наше слово" ( Мариинско-Посадская районная газета)