21 декабря 2020 г.
Çĕнĕ çул уявĕн тĕп символĕ – симĕс чăрăш. Уяв тĕлне пĕрисем лавккара туяннине çулсерен кăларса лартаççĕ, теприсем вара чĕрĕ чăрăш шăршипе киленес тĕллевпе пасарта туянаççĕ. Вăрман çывăхĕнче вырнаçнисен йышĕнче çын куриччен касса килме хăю çитерекенсем те тупăнаççĕ.
Саккуна пăсса чăрăш е ытти лăсăллă йывăçсене каснине пĕтерес тĕллевпе çулсеренех пирĕн республикăра профилактика ĕçĕ раштав уйăхĕнче ирттереççĕ. Çĕнĕ çул уявĕ умĕн вара ĕçе вăйлатаççĕ, вăрмансенче патруль йĕркелеççĕ, чăрăш е ытти лăсăллă йывăçсене саккуна пăсмасăр турттарассине тĕрĕслеççĕ. Саккуна пăсакансене штраф парĕç.
Н. НАДЕЖДИНА.
Источник: "Наше слово" ( Мариинско-Посадская районная газета)