14 декабря 2020 г.
Иртнĕ тунтикун Çĕнĕ Шупашкарта пурăнакан икĕ çын вырăнти Шалти ĕçсен пайне пынă. Банк карттинчен укçа вăрлани çинчен заявлени çырса панă.
Çĕнĕ çул умĕн вĕсем Интернет урлă хĕллехи таварсем туянма шутланă, анчах ултавçăсен аллине лекнĕ. Елка туянас текен хĕрĕх икĕ çулхи хĕрарăма сайт администраторĕ вируслă ссылка ярса панă. Çавна май хĕрарăмăн банк карттин номерне пĕлме пултарнă тата 14 пин тенкĕ вăрланă. Утмăл виçĕ çулхи хĕрарăм вара кăçатă туянма шутланă, виçĕ пин тенкĕ тÿленĕ, анчах та посылка килессе кĕтсе илеймен. Иккĕшне те улталанă.
Халĕ асăннă фактсем тăрăх тĕрĕслев пырать.
Чăваш Енри ШĔМ пайĕ.
Источник: "Наше слово" ( Мариинско-Посадская районная газета)