14 декабря 2020 г.
Пирĕн республикăна сывлăха çирĕплетмелли оборудовани туянма укçа-тенкĕ килĕ. Кун çинчен иртнĕ тунтикун Правительство çуртĕнче пулнă канашлура Ĕçпе социаллă хÿтĕлев министрĕ Алена Елизарова пĕлтернĕ.
Чăваш Ен Раççейри субъектсем хушшинче иртнĕ конкурс суйлавĕ витĕр тухнă. Ун пĕтĕмлетĕвĕсем тăрăх, 2023 çулта пирĕн республикăна федераци хыснинчен чирленĕ хыççăн сывлăха тавăрмалли оборудовани илме 22 миллион тенкĕ парĕç. Вăл реабилитаци центрĕсен фондне пуянлатма май парĕ.
Кăçал, сăмахран, Шупашкарти ачасен центрĕнче «Локомат» комплекс вырнаçтарнă. Кун пек ача-пăча комплексĕ Раççейре, пирĕннипе пĕрле, иккĕ çеç. Ку оборудовани ачасене утма хăнăхтарать. Унăн хакĕ 44 миллион тенкĕпе танлашнă. Сывлăха çирĕплетмелли, тавăрмалли программа йĕркипе çулталăкра 150 инвалид ачан çак процедурăсене тухма май пур.
ПИРĔН КОРР.
Источник: "Наше слово" ( Мариинско-Посадская районная газета)