30 ноября 2020 г.
Пирĕн республикăра ĕçсĕр ларакан çынсен прависене хÿтĕлеме, ĕç тупса пама пур енлĕн тăрăшаççĕ.
Чăваш республикин халăха ĕçпе тивĕçтерекен служби пĕлтернĕ тăрăх, 2020 çул пуçланнăранпа пирĕн республикăра ĕçсĕр ларакан, ĕç вырăнĕ тупассипе йывăрлăхсем туякан 607 çынна пулăшу панă.
Çулталăк пуçланнăранпа асăннă служба 433 организаципе 596 ĕç вырăнĕ хатĕрлеме килĕшÿ тунă. Чÿк уйăхĕн 25-мĕшĕ тĕлне палăртса хунинчен те ытларах – 607çын ĕçе вырнаçнă.
Вăл шутра Шупашкар хулинче 229 ĕç вырăнĕ тума организацисемпе 205 килĕшÿ тунă. Иртнĕ юнкун тĕлне 262 çынна ĕçе вырнаçтарнă.
Н. СЕМЕНОВА.
Источник: "Наше слово" ( Мариинско-Посадская районная газета)