16 ноября 2020 г.
Чăваш Енре коррупци шайне обществă епле хакланине тĕпчес енĕпе социологи ыйтăвĕ иртет.
2018-2020 çулсем валли хатĕрленĕ Наци планĕн «Чăваш республикинче коррупцине хирĕç кĕрешмелли» подпрограммăпа килĕшÿллĕн, çавăн пекех Чăваш Республикин «Патшалăх управленийĕн вăй-хăватне çирĕплетесси» патшалăх программин тĕллевĕсене пурнăçласа чÿк уйăхĕнче халăх шухăшне тĕпчесе палăртĕç. Коррупци пулăмĕн шайне хак пама Раççей Федерацийĕн Правительстви хатĕрленĕ 662-мĕш номерлĕ постановлени тăрăх çирĕплетнĕ методикăпа икĕ пайран тăракан ĕç-пуç йĕркелĕç,
«Йăлари коррупци» хаклав шайĕнче 18 çултан аслăрах граждансен шухăш-кăмăлне шута илĕç. Интервью мелĕ-пе йĕркеленĕ куçа-куçăн калаçу ирттерĕç. «Ĕç коррупцийĕ» хаклава пĕчĕк тата вăтам предпринимательлĕх представителĕсен, хăй тĕллĕн ĕçлекен организацисен шухăшĕсене тимлĕç. Бизнес представителĕсен кăмăлне электронлă формăпа анкетăсем ирттерсе тĕпчĕç.
ЧРПА коррупци политикине пурнăçлакан пайĕ.
Источник: "Наше слово" ( Мариинско-Посадская районная газета)