16 ноября 2020 г.
Кăçал Сĕнтĕрвăрри хулинче ĕçпе хÿтĕлеве хатĕр (ГТО) пулмалли нормативсене пурнăçлама май паракан çĕнĕ спорт лапамĕ тума тытăннă. Ăна «Мариинский» физкультурăпа спорт комплексĕпе юнашар вырнаçтарĕç.
Ку спорт лапамне «Демографи» федераллă проектăн «Спорт - пурнăç виçи» наци проекчĕ йĕркипе пурнăçлаççĕ. Вăл уçă площадка пулĕ. Пĕтĕм Раççейри «ГТО» физкультурăпа спорт комплексĕпе килĕшÿллĕн, унта районта пурăнакансен вăйĕпе çирĕплĕхне, спортри кăтартăвĕсене тĕрĕслеме май пулĕ. Хальхи вăхăтра лапам лаптăкне резина кавир сарма тата тренажерсене вырнаçтарама хатĕрленеççĕ.
Н. НАДЕЖДИНА.
Источник: "Наше слово" ( Мариинско-Посадская районная газета)