26 октября 2020 г.
Раççейре «Наркотик ăçта сутаççĕ, пĕлтер» акцин иккĕмĕш тапхăрĕ иртет. Юпа уйăхĕн 30-мĕшĕччен сиенлĕ наркăмăшпа иртĕхекен çынсем çинчен Чăваш Республикинчи шалти ĕçсен министерствине пĕлтермелле.
Çулсерен иртекен акци саккуна пăсса наркăмăш сутнине, сывлăхшăн сиен кÿрекен им-çама çынсене сĕннĕ тĕслĕхсене тупса палăртма пулăшать. Наркăмăшлă япалапа иртĕхнĕ тĕслĕхсем сăнанă пулсан, 8 800 100-84-02 «вĕри лини» телефонĕ çине шăнкăравлăр. Наркотиксемпе иртĕхекенсене вăхăтра палăртса хăварни вĕсене саккунпа айăплама май парать.Палăртса хăварар, сывлăхран хакли нимĕн те çук.
О. ОЛИВАНОВА.
Источник: "Наше слово" ( Мариинско-Посадская районная газета)