19 октября 2020 г.
Чăваш Республикин Наци библиотеки социаллă пĕлтерĕшлĕ тĕрлĕ мероприятисем хатĕрлесе ирттерет. Хальхинче библиотека пуçарăвĕпе республикăра «Чăнкă атте» («КрутОтец») пултаруллăх конкурсĕ иртет.
Асăннă онлайн-тупăшу юпа уйăхĕн 15-мĕшĕнчен пуçласа 25-мĕшĕччен пырать. Конкурсра хутшăнас тесен çемье хаклăкне çирĕплетес, ачасене пăхса ÿстерес ĕçре ашшĕсен тивĕçĕсен пĕлтерĕшне палăртас тĕллевпе сăнланнă тĕрлĕ сăнÿкерчĕксем, видео-ÿкерчĕксем ярса памалла. Ĕçсене ВКонтакте социаллă сетьри «Гуманитари литературин пайĕ» уйрăмĕнче вырнаçтарса лартмалла.
Ĕçсене тĕрлĕ номинаци шайĕнче хакласа электрон сертификачĕпе тивĕçтерĕç. Çĕнтерÿçĕсене диплом тата парнесем парса хавхалантарĕç.
Сĕнтĕрвăрри районĕнчи пĕрлештернĕ библиотека системи аттесен Кунне халалласа «Объективра – аттесем» сăнÿкерчĕксен интернет-тупăшăвне йĕркеленĕ. Хутшăнма кăмăлланисен библиотекăн официаллă сайчĕ çине юпа уйăхĕн 22-мĕшĕччен темăна уçса паракан сăнÿкерчĕксем вырнаçтармалла.
О. ОЛИВАНОВА.
Источник: "Наше слово" ( Мариинско-Посадская районная газета)