12 октября 2020 г.
Сĕнтĕрвăрри районĕнче муниципалитет транспортне тĕрĕслес енĕпе черетлĕ рейд ирттернĕ.
Пирĕн районта çĕнĕ коронавирус инфекцийĕсене сарăлтарас мар тĕллевпе муниципалитет транспортне тĕрĕслес енĕпе черетлĕ рейд ирттернĕ. 3-мĕш номерлă «Коновалово-Кукашни», 5-мĕш номерлă «Перекет Касси-Чермĕш», 166-мĕш номерлă «Сĕнтĕрвăрри-Турханкасси-Сĕнтĕрпуç-Сĕнтĕрвăрри», 140-мĕш номерлă «Сĕнтĕрвăрри-Шанарпуç», 244-мĕш номерлă «Çĕнĕ Шупашкар-Сĕнтĕрвăрри-Кушник», 222-мĕш номерлă «Çĕнĕ Шупашкар-Сĕнтĕрвăрри», 113-мĕш номерлă «Сĕнтĕрвăрри-Шупашкар» маршрутсенче маска режимне мĕнле тытса пынине, транспорта тултарса тăмалли чикĕсене мĕнле йĕркеленине тата дезинфекци хатĕрĕсем пуррипе-çуккине тĕрĕсленĕ. Тĕрĕслев шайĕнче регион Пуçлăхĕн Указĕнче палăртнă правилăсене пăхăнас енĕпе водительсемпе пассажирсем хушшинче профилактика калаçăвĕ ирттернĕ. Çакăн пекех хулари диспетчерпа касса пунктне санитари нормисемпе правилисене мĕнле пăхăнса пынине тĕрĕсленĕ
Чăваш Ен территорийĕнче тата пирĕн районта эпидемиологи лару-тăрăвĕ çирĕп пулсан та, суту-илÿ, обществăллă апат-çимĕç тата общество транспортĕн организацийĕсенче маскăллă режима пăхăнса ĕçлемелле. Тĕрĕслев ушкăнĕн ĕçĕ малалла пырать.
И. НИКИТИНА.
Источник: "Наше слово" ( Мариинско-Посадская районная газета)