21 сентября 2020 г.
Чăваш Енре пинрен ытларах çемье пандеми тапхăрĕнче ачасемшĕн панă тÿлеве илме заявлени паман.
Сăмах 3 çула çитмен ачасемшĕн 5 пин тенкĕ тата 3 çултан пуçласа 16 çула çитмен ачасемшĕн 10 пин тенкĕ укçа парасси пирки пырать. Пенси фончĕн регионти уйрăмĕнче çак тÿлеве илме заявление юпа уйăхĕн 1-мĕшĕччен пама пулать тесе аса илтереççĕ. Кам çитес икĕ эрнере заявленипе тухмасть, çавсем асăннă тÿлевсĕр тăрса юлма пултараççĕ. Заявление ПФР клиент службинче, дистанци порталĕ урлă е Пенси фончĕн сайтĕнче харпăр хăй кабинетĕнче пама пулать. Аса илтеретпĕр, çак тÿлевсене коронавирус пандемийĕ тапхăрĕнче ачаллă çемьесене пулăшу парас енĕпе уйăрнă. Укçана çемьере ача-пăча мĕн чухлĕ пулнине, тупăша тата социаллă çăмăллăхсем пуррине пăхмасăрах тÿлеççĕ. Çавăн пекех çак тÿлеве çемьене социаллă пулăшу памалли ытти майсене уйăрса панă чухне тупăшра шута илмеççĕ.
И. МИХАЙЛОВ.
Источник: "Наше слово" ( Мариинско-Посадская районная газета)