21 сентября 2020 г.
Авăн уйăхĕн 22-мĕшĕнче Олег Николаев официаллă майпа Чăваш Ен Пуçлăхĕн должноçне кĕрет.
Инаугураци оперăпа балет театрĕнче иртет. Кун çинчен Олег Николаев сасăлав пĕтĕмлетĕвĕсем тăрăх ирттернĕ брифингра каласа пачĕ. Суйласа илнĕ пуçлăхăн присягин церемонине Чăваш Республикин Конституцийĕ-пе пăхса хăварнă. Инаугураци трансляцине Чăваш Ен Наци телерадиокомпанийĕн тÿрĕ эфирĕнче тата «ВКонтакте» сетьри «Чăваш Республики» ушкăнра кăтартĕç. Аса илтеретпĕр, Олег Николаев Суйлавра сасăсен 75,63 процентне пухнă. Уншăн 386,4 пин суйлавçă сасăланă. Иккĕмĕш вырăн Александр Андреев йышăннă, ăна суйлавçăсен 10,28 проценчĕ пулăшнă, виççĕмĕш вырăнта 5,51 процент пухнă Константин Степанов. Ун хыççăн Николай Степановпа Сергей Матвеев пыраççĕ.
И. АЛЕКСЕЕВА.
Источник: "Наше слово" ( Мариинско-Посадская районная газета)