11 сентября 2020 г.
Чăваш Республикинчи «Россельхозцентр» федераллă патшалăх бюджет учреждени специалисчĕсем уйçхирсенчи кĕрхи тулă акнă лаптăксенче сиенлĕ шăнасем анлă сарăлнине сăнанă.
Швед шăнисем вĕтĕ, 1,5-2 мм тăршшĕ, йăлтăркка хура тĕслĕ. Унăн хурчĕ шуркарах тĕслĕ, шăтнă тырпулăн çулçи айĕнчен тунине кĕрсе сиен кÿреççĕ. Сиенленнĕ хунавсем кĕске вăхăтра сарăхса каяççĕ, ÿсме чарăнаççĕ. Хĕллехи тапхăра хуртсем хунавсен ăшĕнче пурăнса ирттереççĕ. Асăннă йышши шăнасемпе кĕрешме ака-суха хыççăн анасене тасатмалла, вăрлăхăн пахалăхне тата акмалли вăхăтне çирĕп тытса пымалла. Вăрлăха тарăнрах акмаллине,удобренипе апатлассине пăхса хăвармалла.
Хими препарачĕсемпе вăрлăха акас умĕн сапмалла, е кĕрхи культурăсен иккĕмĕш çулçи тухнă тапхăрта. Ялхуçалăх организацийĕсен ертÿçисен кĕрхи культурă акнă уйсене сăнасах тăмалла. Сиенлĕ шăна хурчĕсене асăрхасан СанПиН ирĕк панă препаратсемпе имçамламалла. Хими препарачĕсем сапнă тапхăрта хăрушсăрлăх йĕркисене пăхăнса ĕçлемелле.
О. СЛАВИНА.
Источник: "Наше слово" ( Мариинско-Посадская районная газета)