11 сентября 2020 г.
Виçĕмкун районти Культура çуртĕнче «Манăн бизнес» форум иртрĕ. Форум ĕçне район администрацин пуçлăхĕн çумĕ – культура тата социаллă аталану пайĕн ертÿçи Елизавета Матюшова уçрĕ.
Мероприятинче «Пĕчĕк калăпăшлă кредит уйăрса паракан «Чăваш Республикинчи вак тата вăтам предпринимательлĕхе пулăшакан агенстви» АНО пуçлăхĕн çумĕ Владимир Егоров, Чăваш Республикин экономика аталанăвĕн министерстви çумĕнче йĕркеленĕ «Бизнеса аталантармалли центр» бизнес-инкубатор пайĕн 1 категориллĕ специалисчĕ Николай Кузьмин, Чăваш Республикин районсем хушшинчи инспекцин федераллă налук службин ертÿçин çумĕ Ирина Владимирова тĕрлĕ хумхантаракан ыйтусене хуравсем пачĕç. Хăнасем районти усламçăсен кулленхи ĕç-хĕлĕнче тухса тăракан йăнăшĕсене уçса пачĕç. Çавăн пекех патшалăх пулăшĕвĕн ансат та витĕмлĕ программисене сÿтсе яврĕç.
Форум ĕçне малалла Елизавета Матюшова тăсрĕ. Вăл хăйĕн сăмахĕнче вак тата вăтам предпринимательлĕх представителĕсене çулталăк хушшинче пĕлтерĕшлĕ мероприятисенче хăйсен тÿпине хывнăшăн тав турĕ. Сĕнтĕрвăрри район администрацийĕн Тав çырăвĕсемпе Петр Белов, Сергей Востров, Сергей Волостригов, Дмитрий Ермолаев, Сергей Мочалов, Анатолий Совин, Дмитрий Медяков, «Старт идей» çамрăксен инновациллĕ центрĕн ертÿçи Владислав Степанов, «Дриада – лестницы» тулли мар явап-лăхлă обществăн ертÿçи Надежда Крылатова, «Романыч» ООО ертÿçи Валерия Чучакова, «Институт инженерных взысканий» тулли мар яваплăхлă обществăн пуçлăхне Сергей Мастьянова паллă туса хăварчĕç. Елизавета Викторовна усламçăсене малашнехи ĕçре те пĕрлĕхлĕ пулса ĕçлеме чĕнсе каларĕ.
А. МАКСИМОВА.
Источник: "Наше слово" ( Мариинско-Посадская районная газета)