11 сентября 2020 г.
Чăваш Республикин Пуçлăхĕн Администрацийĕн ертÿçи Вячеслав Борисов Сĕнтĕрвăрри районĕнче ĕçлĕ визитпа пулчĕ.
Вăл район администрацин пуçлăхĕн тивĕçĕсене пурнăçлакан Владимир Мустаевпа тĕл пулчĕ, районăн социаллă-экономикăллă аталанăвĕн кăтартăвĕсемпе паллашрĕ. Çавăн пекех администрацинчи тĕрлĕ пайсен ертÿçисемпе, ял хутлăхĕн пуçлăхĕсемпе Чăваш Республикин аталанăвĕн Комплекслă программине сÿтсе яврĕ. Пилĕк çуллăх палăртнă программа тĕллевĕнче пирĕн район аталанăвĕн çулĕсене те кăтартса хăварнă.
Калаçăва тăснă май, Вячеслав Аркадьевич патшалăх пулăшакан программăсем çинче уйрăм чарăнса тăчĕ. Ял тăрĕхĕсене тирпей-илем кĕртме уйăрнă укçа-тенкĕне халăх суйласа илнĕ проектсенче пурнăçа кĕртнине те тимлерĕç пухăннисем.
О. СЛАВИНА.
Источник: "Наше слово" ( Мариинско-Посадская районная газета)