17 августа 2020 г.
2020 çулхи çурла уйăхĕн 6-8-мĕшĕнче А.Г.Николаев СССР летчик-космонавтăн Мемориал комплексĕ GEEK PICNIC 2020 онлайн- фестивале хутшăнакансенчен пĕри пулса тăчĕ.
Фестивале тĕрлĕ темăпа хатĕрленĕ стендсем кĕртнĕ. «Вĕçĕ-хĕррисĕр космос» стенд çинче тĕрлĕ космос организацийĕсем пĕрлешрĕç, ГК Роскосмос, Раççей космонавтикин Федераци (Çурçĕр-хĕвеланăç), Мускав космонавтикин Музейĕ, Шуршăлти А.Г.Николаев СССР летчик-космонавтăн Мемориал комплексĕ. Тĕлпулу вăхăтĕнче интереслĕ те кăсăклă калаçу иртрĕ. Фестивале хутшăнакансем тĕрлĕ çулсенче иртнĕ «Белкăпа Стрелка», «Союз-Апполон»вĕçевсем çинчен тĕплĕнрех пĕлме пултарчĕç. Çавăн пекех Мускав космонавтикин музейĕнче тата Шуршăлти мемориал комплексĕнче иртекен виртуллă экскурсийĕсемпе паллашрĕç. Фестивальте Чăваш Республикинче çуралса ÿснĕ Раççей Геройĕпе Николай Бударинпа тĕл пулни пĕлтерĕшлĕ пулчĕ. Вăл тÿрĕ эфирта 25 çул каялла пулса иртнĕ хăйĕн космос вĕçевĕсене аса илсе каласа кăтартрĕ.
Николай Бударин Шуршăлти космонавтика музейĕн чыслă хăни шутланать. Вăл унти экспонатсене космонавтсен вĕçевре пулнă япалисемпе тăтăшах пуянлатса тăрать.
М. СЕМЕНОВ.
Источник: "Наше слово" ( Мариинско-Посадская районная газета)