17 августа 2020 г.
Сăр тата Хусан хÿтĕлев чиккисене чавнăранпа 80 çул çитет. Çавна май Чăваш Енре медаль кăларса çирĕплетесшĕн. Вăл патшалăх награди шутланмĕ, хавхалантармалли паллă пулĕ.
Хушу проектне Чăваш Енри нормативлă актсен порталĕнче пичетленĕ. Чăваш Республикин Министрсен Кабинетне астăвăм медалĕн эскизне çирĕплетес енĕпе конкурс ирттермелли çинчен хушса каланă.
Палăртса хăварар, çитес çул пирĕн республикăра Сăр тата Хусан хÿтĕлев чиккисене тунă çĕрте хастарлăх кăтартнă çынсене халаллĕç.
О. ОЛИВАНОВА.
Источник: "Наше слово" ( Мариинско-Посадская районная газета)