17 августа 2020 г.
Сĕнтĕрвăрри район администрацийĕн ял хуçалăх пайĕн оперативлă кăтартăвĕ-сем тăрăх, районти тырă – пулă культурисен вырмалли лаптăкĕ 9482 гектар шутланать, çурла уйăхĕн 13-мĕшĕ тĕлне 2109 гектар çинче тухăçа çулса - çапса пуçтарнă.
Уй-хире Тагеев М.Л. К(Ф)Х, «Смак- Агро»ООО, «Агрофирма «Ольдеевская» ООО, «Звезда» СХК, «Цивильский бекон» ООО «Авангард» филиалĕ, Сĕнтĕрвăрри технологи техникумĕ, Галошев В.Н. К(Ф)Х, Клементьева А.Н. К(Ф)Х, Васильева Е.Г. К(Ф)Х, Плотников В.Е. К(Ф)Х тухнă.
Пурĕ 6465 тонна тырă çапнă, вĕсенчен тулă - 5965 тонна, урпа - 500 тонна. Вăтам тухăç - гектартан 30,7 центнер.
Çывăх вăхăтрах кĕрхи культурăсене вырма «Чебо - Милк «ООО», Агрофирма «Атлашевская «ООО», «Октябрьская» Сĕт цехĕ» ООО тухĕç.
Унсăр пуçне Сĕнтĕрвăрри районĕнчи хуçалăхсенче выльăх апачĕ хатĕрлеççĕ. Паянхи куна утă - 3928 тонна, сенаж - 7249 тонна, силос - 4332 тонна хатĕрленĕ.
Ф. ЗЕЙНЕДТИНОВ.
Источник: "Наше слово" ( Мариинско-Посадская районная газета)