17 августа 2020 г.
Выльăх-чĕрлĕхе усрамалли вырăнсене хĕллехи тапхăра хатĕрлесси – ку отрасльте вăй хуракансемшĕн яваплă ĕç шутланать. Ку тĕлĕшпе фермăсенче иртекен ĕç-пуçа тимлесе тăма ятарлă комисси йĕркеленĕ.
Юнкун Сĕнтĕрвăрри администрациĕнчи ялхуçалăх пайĕн ертÿçи Фарад Зейнетдинов Сĕнтервăрринчи ветеренари службин ертÿçипе Вера Уланковăпа районти хресчен (фермер) хуçалăхĕсем выльăх-чĕрлĕхе хĕл каçма мĕнле хатĕрленнине пăхса тухнă. Ĕçлĕ ушкăн Федоров А.В., Белов А.Е., Григорьев А.В., Плотников В.Е. хресчен (фермер) хуçалăхĕсене çитсе курнă. Андрей Григорьев тата Александр Белов хуçалăхĕсенче пăрусем усракан пÿлĕмсенче урай хăмисене çĕнетнĕ, тин çуралнă пăрушсем валли çĕнĕ уйрăмсем хатĕрлес енĕпе ĕçсем ирттернĕ. Çак хуçалăхсенче мăйракаллă шултра выльăх пурĕ 544 пуç, вĕсен шутĕнче - 223 сăвакан ĕне. Александр Федоров хуçалăхĕнче выльăх-чĕрлĕх пÿлĕмĕсем патне пымалли çулсене юсанă. Ку хуçалăхра мăйракаллă шултра выльăх 301 пуç, çав шутра – 85 ĕне. Районти ветеринари служби ку хуçалăхсенчи пÿлĕмсене пĕтĕмĕшле 6930 тăваткал метр лаптăк çинче профилактика дезинфекцийĕ тунă, хÿмесене шуратнă.
В. ЛЕОНТЬЕВА.
Источник: "Наше слово" ( Мариинско-Посадская районная газета)