10 августа 2020 г.
Иртнĕ эрнере Çĕрпÿ хулинче онлайн режимпа Тихвин ярмаркки иртрĕ. Унăн шайĕнче тĕрлĕ мероприятисем пулчĕç.
«Çĕрпÿ такмакĕ», «Выля,хуткупăс» онлайн-конкурссем, «Тихвин ярмăркки» фотоакцийĕн обзорĕ, «Хĕвеллĕ хула» ача садĕнчи мода Театрĕн кăтăртăвĕ, «Çĕрпÿ шăнкăравĕ-сем»юрăçсен пултарулăхĕн регионти онлайн-фестивалĕ иртрĕ асăннă кун Çĕрпÿре.
Çавăн пекех «Наци культурисен пĕрлешĕвĕнче» регионти уçă онлайн – фестивалĕ, Чăваш Автономийĕн 100 çул тултарнине паллă тунă республикăри фольклор онлайн фестивалĕ, «Ярмаринка» ача-пăча тата çамрăксен пултарулăхĕн онлайн-конкурсĕ, «Шăнкăрав сасси» акци, «Ярмарка шăхличĕ» ăсталăх-класĕ, «Чăваш наци промыслисем» фестиваль иртрĕ.
Çак фестивале Хуракасси ялĕн культура çурчĕн пултарулăх коллективĕсем хастар хутшăнчĕç. «Фантази» ташă коллективĕ тăванлăх ташши кăтартса пачĕ, «Кăсăя» ача-пăча фольклор коллективĕ тата унăн солистки Селиме Фадеева илемлĕ юрăсем шăрантарчĕç, фестивалĕн дипломанчĕсем пулса тăчĕç.
С. АШУРКИНА.
Источник: "Наше слово" ( Мариинско-Посадская районная газета)