10 августа 2020 г.
Сĕнтĕрвăрри районĕнчи уй-хирсенче тыр-пул пухас ĕç малалла пырать. Район администрацийĕн ял хуçалăх пайĕн кăтартăвĕсем тăрăх, Тагеев М.Л. хресченпе (фермер) хуçалăхĕнче кĕрхи тулăна 300 гектар ытла лаптăк çинче çапса пуçтарнă.
Çывăх вăхăтра кĕрхи культурăсене вырма «Чебо Милк» ООО тухма палăртать. Аса илтеретпĕр, Сĕнтĕрвăрри районĕнчи тырă вырмалли пĕтĕмĕшле лаптăк 9482 гектар шутланать.
Унсăр пуçне районти хуçалăхсенче выльăх апачĕ хатĕрлеççĕ. 4202 гектар çинче (100%) нумай çул
ÿсекен курăксене, 282 гектар çинче пĕр çулхи курăк – (43,5%) çулнă. Пĕр çулхи курăка çулма «Смак-Агро» ООО хуçалăхра тата Григорьев А.В. К(Ф)Х тытăннă. Паянхи куна 3823 тонна утă хатĕрленĕ, ку вара планран 138,6: пулать. Сенаж хатĕрлес ĕçе «Смак-Агро» ООО, «Агрофирма «Атлашевская» ООО, «Цивиль» СХПК, К(Ф)Х Белов А.Е., К(Ф)Х Григорьева А.В. хуçалăхсенче ирттереççĕ. Пурĕ 6900 тонна (91%) хатĕрленĕ. «Смак-Агро, К(Ф)Х Григорьев А.В., К(Ф)Х Федоров А.В., К(Ф)Х Плотников В.Е. силос хатĕрлеме тытăнчĕç. Планпа пăхнă кăтартăвăн 31 процентне - 4300 тонна силоса хатĕрленĕ.
В. ТРИФОНОВ.
Источник: "Наше слово" ( Мариинско-Посадская районная газета)