20 июля 2020 г.
Олег Николаев Чăваш Енре çуралса ÿснĕ, малашлăха куракан ертÿçĕ пулнине кĕске вăхăтрах кăтартнă. Ăна регионта лайăх пĕлеççĕ, вăл Чăваш Енре мĕн пулса иртнине çирĕп тимлесе тăрать. Çавăнпа та Олег Николаев тĕп задачăсенчен чи кирлисене агропромышленноç комплексне çирĕплетмеллине тата ялсенче пурнăç тата ĕç пахалăхне ÿстермеллине палăртрĕ.
Регион пуçлăхĕ «Чăваш ялхуçалăх ипотеки» ятлă сайра йышши проекта хута янă. Асăннă проектпа ялта пурăнакансем çурт-йĕр тума 0,1рен пуçласа 2,0 процентлă кредит илме пултараççĕ. Чăваш Енре пурăнакансем ку пуçарăва хапăлласа йышăнчĕç. «Россельхозбанк» заявка калăпăшĕ пысăк пулассине кĕтмен пирки, кредит хатĕрлес ĕçре пĕчĕк чăрмавсем пур. Ку проект Олег Николаевшăн уйрăмах пĕлтерĕшлĕ пулнă пирки, çынсем пуçарупа кăсăкланасси чакман пирки кирек мĕнле чăрмава та оперативлă татса парасса шанатпăр.
Пĕтĕмĕшле агропромышленноç комплексне çирĕплетме Олег Николаев кăçалхи çул республика бюджетĕнчен 2,6 млрд тенкĕ уйăрса хăварнă, ку пĕлтĕрхинчен 14 процент нумайрах. Унсăр пуçне «Росагролизинг» акционерлă ушкăнпа çăмăллăх лизинг пирки килĕшÿ тунă, ял хуçалăх техникисене илессине 50 процента яхăн ÿстернĕ: республикăри субсидисем çак тĕллевсем валли ака уйăхĕн 20-мĕшĕнчен пуçласа туянакан тăкаксен 40 процентне çитме пултараççĕ.
Ялта пурăнакан çынсем час-часах йывăр лару-тăруна кĕрсе ÿкеççĕ, çакна шута илсе Олег Николаев Чăваш Енре социаллă контрактсен практикине ĕçе кĕртме пуçларĕ, патшалăх тÿрĕ финанс пулăшăвĕ пама май парассипе, ĕçе вырнаçма тата пĕчĕк бизнес йĕркелеме пулăшассипе. Кунсăр пуçне сăвакан ĕне тытакан ял çыннисем валли 185 млн. тенкĕ таран укçа уйăрнă: пĕр ĕнешĕн 2300 тенкĕ, иккĕ пулсан 3300 тенкĕ, виççĕ е ытларах пулсан 4300 тенкĕ кашни пуç çине. Субсидисем 39 пин çын илеççĕ тесе палăртнă.
Чăваш Республикин Пуçлăхне суйланма паянхи кун 12 çын хăйсен кандидатурине тăратнă. Вĕсен хушшинче тĕрлĕ парти представителĕсем, хăйсем тĕллĕн кандидатурăсене тăратнă уйрăм çынсем. Суйлав кампанийĕ конкурентлă лару-тăрура иртесси куçкĕрет. Чăваш Ен аталанăвĕ çирĕп аллăра пуласси иккĕленÿ çук.
И. ПЕТРОВА.
Источник: "Наше слово" ( Мариинско-Посадская районная газета)