20 июля 2020 г.
Утă уйăхĕн 13-мĕшĕнче Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев промышленноçпа агропромышленноç паркĕсене, çавăн пекех Чăваш Республикин социаллă пурнăçне экономика аталанăвĕн уйрăм программине пурнăçланă шайра 2024 çулччен технопарксем тăвас ыйтупа канашлу ирттернĕ.
Республикăн çутçанталăк ресурсĕсен тата экологи министрĕн тивĕçĕсене пурнăçлакан Александр Воробьев палăртнă тăрăх, кластер йышши экотехнопарка тăвас ĕçĕн тĕп тĕллевĕ –каяшсене пытарни шутне чакарасси тата производствăра иккĕмĕш хут чĕр таварпа усă курнă шайне ÿстересси. Çавăн пекех вăл республикăра «Чăваш Ен экотехнопаркĕ» Ассоциаци йĕркеленнине хыпарланă.
Промышленноçпа энергетика министрĕн тивĕçĕсене пурнăçлакан Сергей Лекарев «Чăваш-оргтехника», «ЧЭАЗ», «Текстильмаш», «Химпром» ПАО, «Инноваци НПО» (Сĕнтĕрвăрри хули) территорийĕсенче уйрăм 5 технопарк туса хурас ĕç хастар пурнăçланса пынине каланă.
Агропарксем тума, чи малтанах, пĕчĕк тата вăтам предпринимательлĕхе аталантарма, производство проекчĕсене пурнăçламалли, упрамалли, тирпейлемелли тата ял хуçалăх продукцине тирпейлесе кăлармалли майсем тупма палăртнă.
«Енчен те пĕтĕмпех йĕркеллĕ пулсан, эпир çулталăк маларах укçа-тенкĕ уйăрма пултарăпăр»,- палăртнă Олег Николаев, парксен çул карттине кĕске вăхăтра туса хатĕрлеме хушса.
ЧРПА пресс-служби.
Источник: "Наше слово" ( Мариинско-Посадская районная газета)