13 июля 2020 г.
Утă уйăхĕн 7-мĕшĕнче Чăваш Республикин Пуçлăхĕн тивĕçĕсене вăхăтлăх пурнăçлакан Олег Николаев апат-çимĕç таварĕсене сутассипе ĕçлекенсен ĕçĕ-хĕлĕпе паллашнă.Ертÿçĕсемпе кулленхи пурнăçра тĕл пулакан ыйтусене сÿтсе явнă,хамăр тăрăхра тирпейленсе тухакан таварсен пахалăхне курса хакланă.
Чи малтан Чăваш Республикин Пуçлăхĕн тивĕçĕсене вăхăтлăх пурнăçлакан хулари хăш-пĕр предприятисене çитсе килнĕ, вĕсен ĕçĕпе тĕплĕнрех паллашнă. Шупашкарти çăкăр пĕçерекен иккĕмĕш номерлĕ завод çĕнĕ лини хута янă, таварсен калăпăшне ÿстерме хăтлă условисем йĕркеленĕ.
Апат-çимĕç таварĕсене тирпейлесе кăларакан предприятисен ертÿçисемпе ĕçлĕ канашлу ирттернĕ вăхăтра таварсене халăх патне ытларах Интернет урлă илсе çитермеллине чĕнсе каланă Олег Николаев. Хăш-пĕр сезонра пасарсенче ятарлă ярмăрккăсем йĕркелесен те вырăнлă пулнă пулĕччĕ тенĕ вăл сăмаха малалла тăснă май. «Ыйтусене пурнăçа кĕртсе пырассипе пĕрле килĕшсе ĕçлĕпĕр. Кĕске вăхăтра татса памалли самантсем чылай тухса тăрĕç. Хамăр кăларакан продукцие пĕрлехи брендпа палăртсан, пурте пĕрле вăй хурсан асăннă ĕç вырăнтан хускалĕ. Халăха паха та сывă апат-çимĕçпе тивĕçтерессине тимлĕх уйăрмалла», - тесе каланă Олег Алексеевич.
ЧРПА пресс-служби.
Источник: "Наше слово" ( Мариинско-Посадская районная газета)