06 июля 2020 г.
Россельхознадзорăн «Меркурий» тытăмĕ сĕт отраслĕнче кăна пĕлтĕр Раççейĕпе 198 фантом-предприяти тупса палăртнă. Мĕне пĕлтеретха фантом-предприяти. Чăннипе, çук та вăл. Документсем тăрăх, унта продукци хатĕрлеççĕ тата упраççĕ пек. Анчах нимле тавар туса кăларасси тата упрасси пирки сăмах пулма та пултараймасть.
Пуринчен ытла вара çакнашкал суя предприятисене Россельхознадзорăн Мускаври,Мускав тата Тула облаçĕсенчи управленийĕ шута илнĕ, пĕтĕмпе — 96. Фиктивлă предприятисем пирки Россельхознадзор сайтĕнче çырсах тăраççĕ. Акă нумаях пулмасть Чăваш Рес-публикинче те çакнашкал предприятисем тупни çинчен пĕлтерчĕç. Пĕрне Патĕрьел районĕнчи предприниматель çине регистрациленĕ пулнă, тепĕр иккĕшне — Вăрмар
районĕнчи усламçă çине. “Меркурийри” кăтартусем тăрăх, вĕсем иккĕшĕ те предприниматель ĕç-хĕлне чарса лартнă пулин те продукцие çаплах йышăннă, çав шутра сĕт таврашне те. Шел те, кунашкал тĕслĕхсем сахал мар. Пĕтĕмпе республикăра çулталăк пуçланнăранпа сĕт отраслĕнче 5 фантом-предприяти тупса палăртнă. Вĕсене паллах ку тытăмра ĕçлеме чарса лартнă. Сĕт отраслĕнче кăна мар, ытти енпе те йĕркене пăснине тăрă шыв çине кăларать “Меркурий”. Тытăмра ĕçлеме чарса лартни йĕркесĕрлĕхпе кĕрешмелли мелсенчен пĕри. Ытларах вара ку тытăмра продукци срокран тухнă пулин те вĕсен тĕлĕшпе ветеринари докуменчĕсем çырса панă тĕслĕх-сем тупса палăртрĕç юлашки вăхăтра Россельхознадзорĕн республикăри управленийĕн специалисчĕсем. Республикăра “Гашение эВСД” текен операцие çаплах пурте пурнăçламаççĕха. Специалистсем каланă тăрăх,ытларах кафе е лавкка тытакан предпринимательсем çак “ĕçе” вĕçне çитермеççĕ иккен. Пусăм тусах калам,çакă йĕркене пăсни шутланать, çавăнпа та штраф тÿллеттерме те пултараççĕ.
Н. ВАСИЛЬЕВА.
Источник: "Наше слово" ( Мариинско-Посадская районная газета)