06 июля 2020 г.
2020-2022 çулсенче «Цифрăлла вĕренÿ тавралăхне тĕллевлĕ модельсем кĕртмелли эксперимента ирттересси çинчен» Правительствăн, Çутĕç тата Цифрă аталанăвĕн информаци политикин тата массăллă коммуникацисен министерствисемпе пĕрле туса кăларнă, постановлени – вĕренекенсене анлăрах пĕлÿ илме май паракан «Цифрăлла вĕрентÿ» проект шайĕнчи «Вĕренÿ» наци программин глобаллă ĕçĕн пайĕ шутланса тăрать.
Палăртнă йышăну яланхи шкул занятийĕсенчен пăрăннине пĕлтермест, социаллă сетьсемпе ытти источниксенче занятисем шкулсенчен онлайн формата куçни çинчен пĕлтерекен информаци вара тĕрĕс мар тата никĕссĕр.
Цифрăлла вĕрентÿ тавралăхĕ - тĕнчери пĕтĕм вĕренÿ системисен татăлми элеменчĕ. Ун шутне шкулсене пысăк хăвăртлăхлă Интернетпа, вĕсене вăхăт ыйтакан техникăпа, тата вĕсенче вĕренÿ процесĕн интерактивлăхне анлăлатакан сервиссен шутне пысăклатни кĕрет.
Унăн вырăсла ятне кĕскетсе (Цифровая образовательная среда) ЦОС аббревиатурă кăларнă. ЦОС яланхи класслă урок системипе электронлă вĕрентÿ ырлăхĕсене пĕрлештерме май парать. Çапла майăн проекта пурнăçланă чухне шкулсем пăхăнмалли материалпа техника условийĕсен хисепне тепĕр хут пăхса тухĕç. Кашни вĕрентÿ учрежденийĕ çапла майăн çÿлерех палăртнă условисене тивĕçтерсе пымалла.
Хальлĕхе çĕнĕ проекта 14 регионта тĕрĕслесе пăхма килĕшнĕ вĕсен шутĕнче пирĕн регион çук. Проект хăйне ăнăçлă кăтартнă хыççăн Чăваш Енре кĕске вăхăтрах анлă сарăласса шанатпăр.
И. ЭТМЕНЬ.
Источник: "Наше слово" ( Мариинско-Посадская районная газета)