06 июля 2020 г.
Çанталăкăн кашни саманчĕпе усă курса районти ялхуçалăх организацийĕсемпе хресчен (фермер) хуçалăхĕсем выльăх апачĕ хатĕрлес ĕçе хĕрÿ тытăннă.
Утă уйăхĕн 1-мĕшĕ тĕлне пирĕн районта 2506 га çинче нумай çул ÿсекен курăксене çулнă. Ку кăтарту мĕнпур лаптăкăн 55,1 проценчĕпе танлашать. Выльăх апачĕ хатĕрлес ĕçе кашни хуçалăхрах пуçăннă. Пурĕ 2011 тонна утă хатĕрленĕ, е планланин 72,9 процентне.
Кунсăр пуçне «Смак-Агро» тулли мар яваплăхлă ял хуçалăх организацинче 1100 тонна сенаж янтăланă. Ку кăтарту плана кĕртсе хăварнин 14,5 проценчĕпе танлашать.Выльăх валли хĕл каçмаллăх çителĕклĕ апат хатĕрлес ĕç малалла пырать.
Районти ялхуçалăх пайĕ.
Источник: "Наше слово" ( Мариинско-Посадская районная газета)