06 июля 2020 г.
Вунултă çул каялла утă уйăхĕн 3-мĕшĕнче хаклă ентешĕмĕр, тĕнче уçлăхне парăнтарнă Андриян Григорьевич Николаев пирĕнтен ĕмĕрлĕхе уйрăлса кайнă. Унăн мухтавлă ячĕ чăваш халăхĕшĕн кăна мар, пĕтĕм тĕнчешĕн паллă пулса юлнă. Андриян Григорьевич ятне Чăваш Енри урамсемпе парксем, шкулсем, аэропорт тивĕçнĕ. Шуршăлти мемориаллă комплекс мухтавлă космонавт ячĕпе мăнаçланать.
Ĕнер Андриян Николаева асăнса Шуршăл ялĕнче онлайн-митинг иртрĕ. Унта хутшăннисем ентешĕн ачалăх, яшлăх тапхăрĕсене аса илчĕç, паттăрăн çăлтăрсем патне çитме пулăшнă ĕçне-хĕлне асăнса хăварчĕç.
Çавăн пекех космонавт-вĕçевçĕ ячĕпе хисепленекен мемориаллă комплексăн сайчĕ çинче «Çăлтăрлă кăйкăр» виртуаллă курав уçăлчĕ.
ПИРĔН КОРР.
Источник: "Наше слово" ( Мариинско-Посадская районная газета)