29 июня 2020 г.
Юнкун район «Эп пурăпа ÿкеретĕп» акцие хутшăнчĕ. Сĕнтĕрвăрринче вăл, тĕслĕхрен, Культура лапамĕнче 9 сехетрен пуçласа 17 сехетчен иртрĕ. Акци тĕшши брусчатка çинче тумалли сăн ÿкерчĕкре пулчĕ.
Сакăр сехет хушши ашшĕ-амăшпе пĕрле е пĕччен çамрăк ăстасем хăйсен ăсталăхне кăтартма пултарчĕç. Çак вăхăтра вĕсем хăйсем Тăван çĕршывăн Аслă вăрçинчи çĕнтерĕве мĕнле ăнланнине кăтартрĕç. Çапла майăн, районти краеведени музейĕ умне паттăр Совет салтакĕсен сăнарĕсем, «Катюшăсем» тата чи хаяр вут - çулăмра та хĕмленмен танксем тухса тăчĕç. Авторсенчен хăшпĕрисем вара ĕçпе юнашарах хăйсен е хăйсем вĕренекен учрежденисен ячĕсене палăртса хăварчĕç. Вăрçă картинисемпе пĕр танах тĕнче илемне те ÿкерсе хăварма тăрăшрĕç. Çавăнпа та вĕсем кăтартнă тĕнчере танк-ракетăпа юнашар чечексем ешĕрчĕç, таса тÿпере хĕвел хĕртсе пăхрĕ.
Яланхиллех ĕçсемпе паллашма, вĕсене хаклама Интернет пулăшрĕ. Ÿкерчĕксене валли социаллă сетьсенчи #ярисуюмелом тата #24июня хештегсем пушă пулчĕç.
И. ДЕРЮЖИН.
Источник: "Наше слово" ( Мариинско-Посадская районная газета)