29 июня 2020 г.
Йывăр лару тăрăва пăхмасăрах Республикăри вăрçă ветеранĕсем валли йĕркеленĕ клиника госпиталĕ хăйĕн пациенчĕсене штат режимĕнче пулăшу парса тăрать. Çак тĕллевпе кунти специалистсем хальхи технологисемпе анлăн усă кураççĕ.
Клиника госпиталĕн тытăмĕнче тăракан Республика эндокринологи центрĕнче пациентсене телемедицина технологийĕсем урлă консультаци парса тăрĕç. Çапла майăн вĕсем «Сывлăх сыхлавĕ» наци проектĕнчи «ЕГИЗСРА сывлăх сыхлавĕн пĕрлĕхлĕ цифрăлла контурне тăвасси» федераллă проекта пурнăçласа пыраççĕ.
Кĕçнерникуна кунта 20 яхăн консультаци ирттернĕ. Вĕсен шучĕ кунран куна ÿссе пынине палăртмалла, çавăнпа та пациентсен пысăк шайри медицина пулăшăвсĕр юлассинчен хăрамалла мар.
Уйрăмах Республикăри вăрçă ветеранĕсем валли тунă клиника госпиталĕ ака уйăхĕнчен ĕç профильне улăштарнине пĕлтермелле. Чăваш Республикин пуçлăхĕ тивĕçĕсене вăхăтлăха пурнăçлакан Олег Николаевăн хушăвĕпе тата Чăваш Республикин сывлăх сыхлав министерствин приказĕпе килĕшÿллĕн больница çĕнĕ коронавирус инфекцийĕпе чирлекенсене йышăнма пуçланă, çавăнпа та больницăн яланхи ĕç планне улăштарма тивнĕ.
Чăваш Республикин сывлăх сыхлавĕн министерстви.
Источник: "Наше слово" ( Мариинско-Посадская районная газета)