22 июня 2020 г.
Çĕртме уйăхĕн 15-мĕшĕнче районта çар пухăвĕсем пуçланчĕç. Тăватă кун хушшинче район шкулĕсенчи 10-мĕш классенче тата вăтам пĕлÿ паракан вĕрентÿ учрежденисенче вĕренекен каччăсем çар службин тĕп пĕлĕвĕсене илчĕç.
Унпа пĕрлех специалистсем пулас салтаксене медицина, тактика, физика, хими радиаци хÿтĕлевĕн пĕлĕвĕсене парĕç. Вĕрентекенсем хушшинче ОБЖ организатор преподавателĕсем тата физкультура вĕрентекенĕсем пулчĕç.
Паллах, пухăва йĕркелекенсем урамра тăракан йывăр условисене шута илнĕ, çавăнпа та вăл дистанциллĕ режимра иртет.
Каччăсен тăрăшуллăхĕ вĕсене хăй вăхăтĕнче пулăшу парĕ. Кунта Александр Суворов виççĕр çула яхăн каланă сăмахсем аса килеççĕ. «Вĕренÿре йывăр та çапăçура çăмăл»,-тенĕ вăл.
Çак сăмахсене тивĕçлĕн пурнăçа кĕртме нумаях пулмасть Кĕчкей ялĕнчи Максим Шиверев тухса кайрĕ . Эпир Максима служба йывăрлăхсене çăмăл чунпа ирттерме сунатпăр.
Район администрацийĕн вĕрентÿпе çамрăксен политикин пайĕ.
Источник: "Наше слово" ( Мариинско-Посадская районная газета)