22 июня 2020 г.
Çĕртме уйăхĕн 22-мĕшĕнче пирĕн çĕршывра «Астăвăм çурти» акци иртет. Çак кун Раççейре тата хăй вăхăтĕнче Совет Союз тытăмĕнче тăнă çĕршывсенче Тăван çĕршывăн Аслă вăрçинче пуç хунисене аса илеççĕ, вĕсен вăхăтсăр татăлнă пурнăçĕсене асăнса пĕрле пухăнаççĕ, çуртасем лартаççĕ.
Кăçалхи йывăр лару-тăру,паллах, пĕрле вăрçăра вилнисене асăнса лартнă палăксем умĕнче пухăнма май памасть. Анчах фашизма çĕнтерекенсен мăнукĕсемпе кĕçĕн мăнукĕсен кăçал хăйсен пархатарлăхне онлайн мелпе кăтартма пултараççĕ.
Çак тĕллевпе эсир «Асăну кунĕ» сайтпа е «ВКонтакте» тата «Одноклассники» социаллă сетьсемпе усă курма пултаратăр. Унсăр пуçне, хăрушсăрлăх мерисем пирки манмалла мар, çавăнпа та çурта вырăнне телефонри хунарпа е ятарлă приложенипе усă курмалла.
Хăвăр пуçарулăх пирки çывăх çыннăрсене те пĕлтерĕ, çак ырă акцине вĕсем тата всене тăванĕсемпе юлташĕсем хутшăнччăр. Хамăр телейпе ыранхи кун курассишĕн пуç хунине манманнинче - пирĕн вăй.
И. ДЕРЮЖИН.
Источник: "Наше слово" ( Мариинско-Посадская районная газета)