22 июня 2020 г.
2020-мĕш çулхи çу уйăхĕн 30-мĕшĕнче вăя кĕнĕ Раççей Федерацийĕн Правительствин 797-мĕш номерлĕ постановленийĕпе килĕшÿллĕн, кăçалхи ака уйăхĕнчен пуçласа çĕртме уйăхĕччен сусăр, ватă çынсене е тăлăх тата ашшĕ-амăш хÿттисĕр юлнă ачасене вăхăтлăх хăйсем патне пурăнма илнĕ çынсене хушма укçа тÿлеççĕ.
Çак укçана патшалăх е урăх социаллă организацисенче ĕçлекен çынсем илме пултараççĕ. Çавăн пекех çак тÿлеве асăннă категорири çынсене хăйсем патне пурăнма тата хăйсен хÿттине илнĕ волонтерсем тивĕçеççĕ.
Министервăсем хăйсене пăхăнса тăракан интернат учрежденисенчен асăннă категориллĕ çынсене хÿтĕне илнĕ çынсем пирки реестр йĕркелеççĕ.
Унта вăхăтлăх хăйсем патне пурăнма илнĕ çын, ăна хăш социаллă учрежденирен, мĕн чухлĕ вăхăта тата кам илни пирки йăлтах паллă пулать.
Реестра кăçалхи ака-çу уйăхĕсемшĕн тата çĕртме уйăхĕшĕн Пенси фондне уйрăммăн тăратаççĕ.
Хушма тÿлеве кăçалхи ака уйăхĕнчен пуçласа çĕртме уйăхĕсенче вăхăтлăх хăйсем патне пурăнма илнĕ çынсене тÿлеççĕ. Вăл 12 пин те 130 тенкĕпе танлашать.
Асăннă постановленипе килĕшÿллĕн, хушма тÿлеве ятарлă учрежденисенче вĕренекен сусăр ачисене кăçалхи ака-çĕртмĕ уйăхĕсенче киле илсе кайнă ашшĕ-амăшĕ илме пултараймасть.
Çавăн пекех çак тÿлев 80 çултан иртнĕ ватăсене тата 1-мĕш ушкăнри инвалидсене пăхнишĕн 1 пин те 200 тенкĕ-пе танлашакан компенсацине илекенсене те тивĕçмест.
Çак хушма тÿлеве илме тивĕçлĕ çынсен кăçалхи юпа уйăхĕн 1-мĕшĕччен Патшалăх пулăшăвĕсен порталĕ е Пенси фондчĕн клиент служби, е МФЦ урлă заявлени çырмалла. Çакăн валли хушма документсем кирлĕ мар. Çак укçана парасси пирки реестр-ти даннăйсем урлă палăртаççĕ. Ака-çу тата çĕртме уйăхĕсемшĕн уйрăм икĕ заявлени çырмалла. Унта ят, хушамат, СНИЛС даннăйĕсене тата телефон номерĕпе банк счетчĕн реквизичĕсене палăртмалла. Заявленине 5 ĕç кунĕнче пăхса тухаççĕ, укçана виçĕ кун хушшинче куçарса параççĕ.
Раççей Федерацийĕн субъектчĕн реестрĕнче заявлени çыракан пирки информаци пулмасан ăна хушма укçана тÿлемеççĕ.
РФ Пенси фончĕн Чăваш Республикинчи Уйрăмĕ.
Источник: "Наше слово" ( Мариинско-Посадская районная газета)