22 июня 2020 г.
Кăçалхи çул Чăваш потребителĕсен пĕрлешĕвĕ 100 çулхи юбилейне паллă тăвать. 2019 çулăн пĕтĕмлетĕвĕсем тăрăх, вăл Пĕтĕм Раççейри «Ĕç-хĕл отраслĕсене ăнăçлă аталантарнăшăн» ăмăртура пĕрремĕш вырăн йышăннă.
Раççейри потребительсен пĕрлешĕвĕсем хушшинче Чăваш Республикин пĕрлешĕвĕ темиçе номинацинче малти вырăнсене йышăнма пултарнă. Ваккăн суту-илĕве, йăла ыйтăвĕсене тивĕçтерессине аталантарнăшăн, пĕрлештернĕ хатĕрлевсене хутшăннăшăн пĕрремĕшсем пулнипе пĕрлех пурлăхпа техника никĕсне упраса хăварса аталантарнăшăн, пайщиксемпе тачă çыхăнса хастар ĕçленĕшĕн иккĕмĕш вырăна тивĕçнĕ Чăвашпотребсоюзĕ.
Атăлçи федераллă округĕ тăрăх Чăваш Республикинчи потребительсен пĕрлешĕвĕ чи малтисен шутĕнче. Ĕç-хĕлĕн пĕтĕмĕшле калăпăшĕ 10,4 млрд. тенкĕпе танлашнă, налуксене 753 млн. тенкĕлĕх тÿленĕ.
Раççей потребителĕсен пĕрлешĕвĕсем хушшинче çÿллĕ шайра тытса пыракан ĕç Чăваш потребителĕсен пĕрлешĕвĕшĕн черетлĕ çĕнтерÿпе палăрчĕ. Ку çитĕнÿ - юбилей ячĕпе тивĕçлĕ кăтăрту.
ПИРĔН КОРР.
Источник: "Наше слово" ( Мариинско-Посадская районная газета)