22 июня 2020 г.
Çĕртме уйăхĕн 16-мĕшĕнче Чăваш Республикин Пуçăхĕн тивĕçĕсене вăхăтлăха пурнăçлакан О. Николаев ирттернĕ оперативлă ларура коронавирус инфекцийĕ сарăлнине кура кĕртнĕ чару мерисене хăçан çемçетессине сÿтсе яврĕç. Çакна валли нормăра виçĕ кăтарту пулмалла. Инфекци саракан коэффициент 1-пе танлашмалла. Урăхла каласан, пĕр инфекциленнĕ çыннăн пĕр çынран ытларах чирлеттермелле мар. Больницăсенчи койка фончĕ те çителĕклĕ пулмалла, халăха тестлани те пĕлтерĕшлĕ.
Роспотребнадзор управленийĕн ертÿçи Надежда Луговская каланă тăрăх, республикăра инфекци саракан коэффициент пĕррĕрен ытла мар. Тестлани чарусене тапхăрăн-тапхăрăн сирсе яма май пурри çинчен те калама май парать.
Республика ертÿçи палăртнă тăрăх, малашне çынсене анализсен результачĕсене кĕтермелле мар. Цифрăсенчен ытларах, çынсен сывлăхĕ пĕлтерĕшлĕ. Юлашки кунсенче тунă ĕç çынсене кирлĕ пулăшупа тивĕçтерни çинчен калать. Анализсен кăтартăвĕсем хăвăрт çитеççĕ. Ку чарусене пăрахăçламалли пĕрремĕш тапхăра çирĕппĕн тухма май парать.
Чăваш Республикин Пуçлăхĕн администрацийĕн пресс-служби.
Источник: "Наше слово" ( Мариинско-Посадская районная газета)