11 июня 2020 г.
Чăваш Республикинче коммуналлă хытă каяшсене типтерлес ĕçе «МВК «Экоцентр» ООО 2019 çулшăн 2,8 млн. куб чухлĕ пурнăçланă. Цифрăсем хыçĕнче çынсем тăнине йăлтах курмасть имĕш регионти оператор.Пурăнман килсен хуçисем патне те, çĕр лаптăкĕпе кăна усă куракансем патне те квитанцисем «вĕçсе» çитни çинчен пĕрре мар илтнĕ.
Çу уйăхĕн пуçламăшĕнче Чăваш Республикин Пуçлăхĕн тивĕçĕсене вăхăтлăх пурнăçлакан Олег Николаев каяшсене илсе тухас тата типтерлес ĕçшĕн яваплă министерствăна халăх кăмăлсăр пулнине пĕлтернĕччĕ.
Çĕртме уйăхĕнче вăл «хуçасăр» тÿлев квитанцийĕсене граждансене ярса парассине чарма хушрĕ. Нумаях пулмасть журналистсемпе ирттернĕ калаçу хыççăн çутçанталăк министерстви ку йышши тĕслĕхсене тĕпрен пăхса тухма палăртрĕ. Олег Алексеевич çĕр лаптăкĕсем çинче кил-çурт лартман хуçалăхсен адресĕпе килнĕ квитанцисене çирĕп тимлесе тăма хушрĕ.
О. ЕФРЕМОВА.
Источник: "Наше слово" ( Мариинско-Посадская районная газета)