11 июня 2020 г.
Ÿт-пĕве çирĕплетме нимĕнле чикĕ те çук тесе шутлать Чăваш Республикинчи фитнес-аэробика Федерацийĕнчи ертÿçĕсен тата тренерсен тытăмĕ. Раççей Федерацийĕн Президенчĕ ырласа йышăннине кура Федераци тăлăх тата ашшĕ-амăшĕн тимлĕхĕсĕр юлнă ачасене валли ятарлă проект пурнăçа кĕртет.
«Хăвна ĕнен» проект сывă пурнăç йĕркине, хусканусене куллен тăвассине анлăн сарăлпа пулăшать. Асăннă проектăн пĕрремĕш тапхăрĕнче ачасем интерактивлă вĕрентÿ мелĕпе фитнес-аэрăбикăн тĕп хусканăвĕсем çинчен пĕлчĕç, видеодисксем тата вĕреннине çирĕплетекен сертификат илчĕç. Иккĕмĕш тапхăр «Сывлăх» ятлă, вăл ачасене дистанции майĕпе хусканусен пуçламăшне, тĕп пайне тума вĕрентет (разминка, «аэробика», «хип-хоп»). Çĕртме уйăхĕнчи кашни эрнере виçĕ хутчен ачасем, аслисем пăхса тăнипе, çак тапхăрсене пурнăçлĕç.
Проектăн виççĕмĕш тапхăрĕнче, вăл утă уйăхĕнче пурнăçланĕ, ачасен хушшинче «арçын ачасем» тата «хĕрачасем» ушкăнсем йĕркелесе онлайн-уроксем ирттерме палăртнă.
Асăнса хăварар, йĕркелÿçĕсем проекта тулли мар çемьере çитĕнекен тата йывăр лару-тăруна лекнĕ ачасене те хутшăнма май тупнă. Вирус сарăлнă тапхăр иртсе кайсан Федераци тытăмĕ ачасем хушшинче фитнес-аэробика фестивальне те ирттересшĕн. Мĕнех, ачасене хăйсен вăйне, пĕрлĕхне ĕненме пулăшакан проект малалла аталантăр.
ЧР физкультурăпа спорт министерстви.
Источник: "Наше слово" ( Мариинско-Посадская районная газета)