11 июня 2020 г.
Раççей кунĕ пирĕн районта чылай онлайн-форматра иртекен мероприятисемпе палăрса юлĕ.
Уяв кун «Раççей, малалла!» флэшмоб иртет. Ăна валли «Визит» студи Олег Газманов шăрантаракан «Раççей, малалла!» юрăна юрланине видео çине çыртарнă.
Ача-пăча валли вара тĕрлĕ йышши викторинăсем, виртуаллă экскурсисем тата кĕнеке куравĕсем ирттерме планланă.«Раççей-пирĕнре» онлайн-акци вăхăтĕнче унта хутшăнакансем çĕршыв гимне шăрантарĕç.
Çав вăхăтрах «Асфальт çинче ÿкеретпĕр» тата «Ăçта пулнă, мĕн курнă-çавна асфальт çинче сăнласа панă» флэш акцисем иртĕç, «Эпĕ – Раççей гражданинĕ» программă пурнăçланса пырĕ.
Çакăн йышши акцисемпе флэшмобсем урлă кашниех хăйĕн патриотла туйăмĕсене уçса, Тăван çĕршыв историйĕпе тата йăли-йĕркипе мăнаçланнине кăтартма пултарĕ.
И. ЭТМЕНЬ.
Источник: "Наше слово" ( Мариинско-Посадская районная газета)