11 июня 2020 г.
Муркаш районĕнчи Тĕп культура çурчĕ йĕркеленĕ регионсен хушшинчи «Выля, хуткупăс! Янра, такмак!» интернет-конкурс вĕçленчĕ. Кукашни ял хутлăхĕнчен çак конкурсра культура ĕçченĕ Герман Александров хутшăнчĕ. Çар юррисен кĕввисенчен вунă минутлăх пупурри пуçтарнă ăста купăсçă. Хатĕрленни ахаль пулман – Герман Николаевич III степень дипломне илме тивĕçлĕ пулнă. Малалла та республика, Раççей шайĕнче иртекен тĕрлĕ конкурссенче хутшăнма сĕнетпĕр, ăнăçу сунатпăр!
А. ВАСИЛЬЕВА.
Источник: "Наше слово" ( Мариинско-Посадская районная газета)