11 июня 2020 г.
Уяв вăхăтĕнче, çĕртме уйăхĕн 22-24-мĕшĕсенче Чăваш наци библиотеки «Ман çĕршывăм Чăваш Ен» ятлă онлайн-диктант ирттерет.
Унăн тĕллевĕ республика халăхĕн патриотизм туйăмне çĕклесси тата республика çитĕнĕвĕсемпе мăнаçланасси.
Диктанта хутшăнас тесен Чăваш Наци библиотекин сайчĕ çине кĕмелле. Унта пур кăмăллакан та хутшăнма пултарать. Диктант вĕçленнĕ хыççăн ăна çыракансене электронлă сертификатсем парĕç.
Хăвăр вăйсенче иккеленетĕр пулсан, сире лăплантарма васкатпăр. 21 кун хушши, çĕртме уйăхĕн 1-21 мĕшĕсенче, «ВКонтакте социаллă тетелри» «Интересно о чувашском» ушкăнра тĕрлĕ йышши диктантра усă куракан материалсем вырнаçтарĕç. Ытти материалсемпе «Чăваш Республики: çĕр çулхи летопиç» сайтра паллашма пулать.
И. ДЕРЮЖИН.
Источник: "Наше слово" ( Мариинско-Посадская районная газета)