11 июня 2020 г.
Раççей Федерацин Конституцине улшăнусем кĕртессипе çыхăннă сасăлавччен нумай та юлмарĕ. Сасăлав вăхăтĕнче граждансене кăшăл вирусĕнчен сыхласа хăварма мĕнле мерăсем йышăннă-ши?
Çак темăна Раççей Федерацийĕн Тĕп суйлав комиссийĕн председателĕ Элла Памфилова та çĕкленĕ. «Граждăнсен сывлăхĕ пирĕншĕн пĕрремĕш вырăнта,и - пĕлтернĕ Элла Александровна. Эпир чикĕ леш енчи ĕçтешсен опычĕпе тĕплĕн паллашрăмăр, Японире, Германире, Францире тата ытти çĕршывсенче сасăлавсене мĕнле ирттернине пăхса тухрăмăр. Çакна кура Роспотребнадзор специалисчĕсемпе пĕрле суйлав комиссийĕсене валли профилактика мерисем йышăннă».
Кашни вырăнтах суйлав комиссийĕн пайташĕсем маскăсемпе перчеткесем тăхăнĕç. Участоксене кĕнĕ çĕртре çынсене ÿт-пÿ температурине виçсе тăрĕç, вăхăтран вăхăта суйлав участокне дезинфекцилесе тăрĕç. Суйлав чухне çынсем пĕр-пĕринпе ан хутшăнччăр тесе вĕсене кĕнĕ тата тухнă чухне уйăрса ярĕç.
Хăрушлăх мерисене пăсас мар тесе кăçал килсем тăрăх сасăлав пирки пĕлтерекенсем çÿреймĕç. Çакăн вырăнне çыхăнусăр пĕлтерекен мелсем çине тĕрек тунă. Çывхарса килекен сасăлав пирки граждăнсем урамри реклама, телевидени, Интернетри сайт урлă пĕлĕç. Интернетра çакăнпа çыхăннă темиçе сайт та ĕçлет (Конституция2020.рф., Раççей Федерацийĕн Тĕп суйлав комиссийĕн сайчĕ). Унсăр пуçне Информаципе справка центрне шăнкăравлама пулать. Унти операторсем хальлĕхе 2500 шăнкăрав йышăннă.
И. ДЕРЮЖИН.
Источник: "Наше слово" ( Мариинско-Посадская районная газета)