11 июня 2020 г.
Иртнĕ тунтикун Чăваш Республикин Пуçлăхĕн тивĕçĕсене вăхăтлăх пурнăçлакан Олег Николаев видеоçыхăну мелĕпе республикăри тĕрлĕ юхăмри волонтер организацийĕсен лидерĕсемпе калаçу ирттерчĕ.
Тĕплĕнрех чарăнсан унта «Пĕрлĕхлĕ Раççей» партин, Чăваш Патшалăх аграри университечĕн, Чăваш патшалăх университечĕн волонтерĕсем, Чăваш Енри православи волонтерĕсем тата Шупашкарти волонтер центрĕнче тăрăшакансем хутшăнчĕç.
Çулран çула республикăра таврăнми пулăшу парса тăракансен шучĕ ÿссе пырать. Юлашки темиçе уйăх хушшинче кăна Чăваш Енре ун çумне 700 çын хутшăннă. Вĕсем ватăсене апат-çимĕçпе тата эмелсемпе тивĕçтереççĕ, урамра утакансем хушшинче маскăсемпе перчеткесем валеçеççĕ. Ют çĕршыври студентсене киле таврăнма пулăшаççĕ. Çак пысăк ĕçе тунине Олег Николаев та хакларĕ. Унсăр пуçне вăл волонтерсем Конституцие улшăнусем кĕртессишĕн йĕркеленĕ сасăлава хатĕрлеме пулăшнине тимлĕх уйăрчĕ, туса ирттернĕ ĕçшĕн вĕсене тав турĕ.
Калаçу вĕçĕнче Олег Алексеевич «Чăваш Республикинче хăй ирĕклĕхе аталантарнăшăн», кăкăр çине çакмалли паллăпа «Волонтер ĕçĕнче хастарлăх кăтартнăшăн» йĕркеленĕ Хисеп хучĕ пирки пĕлтерчĕ.
И. ЭТМЕНЬ.
Источник: "Наше слово" ( Мариинско-Посадская районная газета)