08 июня 2020 г.
Шел пулин те кăçал Çимĕк уявĕпе çыхăннă мероприятисене килте ирттерме тивет. Пирĕнтен уйрăлнă тăвансене асăнма масар çине кайма юрамасть.
Чăваш Республикин Пуçлăхĕн ака уйăхĕн 3-мĕшĕнче кăларнă 92-мĕш номерлĕ указĕпе килĕшÿллĕн уйрăм распоряженичен масарсем хупăнаççĕ, вĕсем патне каякан çулсем çинче вара патрульсем тăрĕç.
Хăвăр тата хăвăрăн тăванăрсен сывлăхĕ пирки ан манăр. Эсир патшалăх кĕртнĕ режима пăхăнмасан чирлекенсен шучĕ кĕске вăхăтрах ÿссе кайма пултарать, вĕсен шутĕнче эсир юратакан çынсем те пулма пултарĕç. Çакна çирĕп астăвăр!
Сăваплă куна килте кĕтсе илĕр, çут тĕнчерен куçса кайнă çывăх çыннăрсене хăвăр хушăра асăнăр.
И. ИВАНОВ.
Источник: "Наше слово" ( Мариинско-Посадская районная газета)